شاعر يحضر زفاف حبيبته ويلقي القصيدة للعريس ! كذا شاءت بنا الأقدار تحرمني لأجـل تعطيـك

[ẁĿĐźĂУỂĐ999]

اليوم يايب لكم قصيده اعتبرها من(( اقــوى )) القصايد الي سمعتها لانها تحــــرك القلب والمشاعر..
واهديها لكل شخص فقد حبـيبـته بحكم القدر ...
اتركم مع الابيــات واباكم تحسون باحساس راعي القصيده ...

أبد .. ما جيت أبارك ولكن جيـت باوصّيـك
على الله ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك وحدّت محاكيك
قسم بالله ما تدخـل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني لأجـل تعطيـك
كذا لازم عشان تفوز إنت .. أخسـر بتجربْتـي

تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي

أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك
لـذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي

فداعبها شوي شوي حتـى تشتهـي طاريـك
وشاغبها إليـن تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
ما يحتاج اورّي لـك بفـن الضـرب موهبْتـي

صحيح انك بتملكها ومعك العقد بالتمليـك
وانا عارف حـدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك
يقـول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك
تغطّي ذكرياتي في هواهـا.. وربْـع تجربْتـي

أحس اني تماديت بكلامي.. والغضب حاديـك
ولو انّك في مكاني مـا تفكّـر في محاسبْتي

كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي

انا ما جيت اخرّب عرسك الليلـه ولا آذّيـك
أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك
ترى كل الكلام اللي طلَع مـن ضيقـيَ وكبْتـي

ولكن ما قدرت انّي أقوله وانـت مـا يخفيـك

أخـاف انّـي إذا قلتـه تقـوم وتقطـع رقبتي

_______________________________________________

(اتمنى ان تنال على اعجابكم ورضاكم)

[تفاحة آدم]

يا ويــــــــــــــــــــــــل حــــالـــــــــــــــــــــــــــي ..

قصيدة تعور القلب ..

عسى ربي يهني كل الحبايب ولا يحرمهم من بعض ..
ااااااااااااااااااااااميــــــــــــــــــــــــــــــــــــ ـــن ..

اشكرك على القصيدة ..


>>.. تفاحة آدم ..<<

[RAKBOY783]

تسلم خيو ع الكلمات لا اروع

[بنوته كيوت]

تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي

تـــــــــــــــسلم على القصيده الحلوه

[شواااقي_30]

كلماااات في غايه الروووعه تعبر عن صدق مشاعر كاتبها..

تقبل مرووري المتواضع...

[ẁĿĐźĂУỂĐ999]

ربي يسلمكم ع مروركم العذب والراقي.. الف شكر .. عطرتوو صفحاتي>>>بس الشي اللي محيرني انه مجموع المشاهدات خلال ساعتين تعدا الخمسين و مجموع الردورد 4 !! صدق عيازه غريبه ربي يوفقكم^^

[مناااايا]

تسلم يمنااااااااااااااااك ,,,

الصراحه قصيدة حلوه ,,,ومعبرة ,,, وكلماتها تدخل القلب ,,,

إختيار موفق ,,, الله يهنيك أخوي ẁĿĐźĂУỂĐ999..

والله يعطيك العافيه يارب ....

[ẁĿĐźĂУỂĐ999]

الرووووووووعه تواااجدج [glint]ياعطر المنتدى[/glint] وتستاهلون الاختيار يااحلى اعضاء...

[At3bny '3lah]

رووووووووووووعه
يعوور القلب و ربــي

[الشاعر]

كذا شاءت بنا الأقدار تحرمني لأجـل تعطيـك

تسلم على الطرح يا خوي

القصيده حلوه بس فيها بعض الكسور ....

والسموحه على النقد