الفرق بين بنات الادبي وبنات العلمي

[جريحة زماني]

شوفو الفرق بين بنات علمي وبنات أدبي..



بنات الادبي دائما مبتسمين ومفرفشين


بنات االعلمي دائما مكتئبين وماعندهم وقت يضحكون بس عندهم وقت يبجووون

بنات الادبي عادي عندهم يروحون المدرسة والا لا والافضل عندهم طبعا انهم مايروحون
لان مايحتاج احد يفهمهم اللهم يحفظون الكتاب ويروحون يسمعون اللي حفظوه

بنات العلمي اذا غابوا يوم عن المدرسه أو بس تأخروا يسوون سالفة مايخلون وحده ومايتصلون فيها يخلونها تشرح لهم وتفهمهم وياخذون الواجبات منها وعقبها يروحون يقعدون على راس المدرسات عشان يشرحون لهم مرة ثانية وعشان يتأكدون انهم حصلوا كل المعلومات ومافاتتهم ولامعلومة

بنات الادبي يطلعون من الامتحان وهم شاقين الحلج لان ماتفرق معاهم الدرجات

بنات العلمي يطلعون من الامتحان يصيحون وعلى طول يفتحون الكتاب ويتاكدون من اجوبتهم وياويلنا لو في جواب والا نص جواب غلط على طول الدموع تنصب والويه يصفر.

اذا شفت بنات متان اعرف انهم بنات الادبي ماوراهم دروس ولا شغل الا الاكل

اذا شفت بنات يكسرون الخاطر عصاقيل شوي ويموتون اعرف انهم بنات العلمي المساكين دائماا يذاكرون لدرجة انهم ينسون ياكلون.

بنات الادبي وفي حصة الاحتياط يقعدون يلعبون أو يسولفون مع المدرسة أو يعيبون عليها

بنات العلمي في حصة الاحتياط طبعا مايفوتون أي حصة بدون دراسة نحصلهم يدرسون بنفسهم أو يروحون يدورون على مدرسة فاضية وينادونها عشان تعطيهم دروس.
بنات الأدبي دايما تشوفونهم كاشتين من مدرساتهم وحصصهم ويتمشون في ساحة المدرسة

بنات العلمي مانشوفهم في الساحة إلا وقت الفرصة ونادرا طبعا



وطبعا لا تصدقون تراني بدش ادبي

[عاشقة القمم]

ههههههههههههههههههههههههههههههههههههههههه

أنا أشوف ربيعاتي متنوا يوم دشوا علمي ...




بس في نقطة ما قلتيها ........ (فكري )


المهم تسلمين ع المزوضوع ،، بس فكري انزين ..

[جريحة زماني]

شو هي النقطة اللي ما قلتها ما عرفتها وتسلمين ع المرور

[ThIs Is Me]

تسلمين بنت العتيبي ع الموضوع .!

[soso]

ههههههه

صح إني مب علمي ولا أدبي بس ما أدري حالي حال بنات العلمي ..

ع العموم تسلميييييين إختي وما قلتي لي شو بدشين علمي ولا أدبي ؟؟!

[جريحة زماني]

تسلمن خواتي ع مروركم


سوسو انا قلت فوق اني بدش أدبي

[الحياةحلوة]

السلام عليكم ورحمة الله وبركاته
شو هذا.....!!!!!!؟؟؟؟؟.....
بنات الادبي عادي عندهم يروحون المدرسة والا لا والافضل عندهم طبعا انهم مايروحون
لان مايحتاج احد يفهمهم اللهم يحفظون الكتاب ويروحون يسمعون اللي حفظوه
منوا إللي كَالج ها الشي ترى عندنا حفظ وفهم وإذا غبنا ترى نكون(زي الأطرش في الزفة)
بنات الادبي يطلعون من الامتحان وهم شاقين الحلج لان ماتفرق معاهم الدرجات
شاقين الحلج لأن موادنا سهلة وخاصة في الثاني ثنوي لا تحكمين ترانا مو مثل بعض.
اذا شفت بنات متان اعرف انهم بنات الادبي ماوراهم دروس ولا شغل الا الاكل
بالعس حبيبتي
بنات الادبي وفي حصة الاحتياط يقعدون يلعبون أو يسولفون مع المدرسة أو يعيبون عليها
لا تلومينا من كثر الضغوطات إللي علينا.......والله يسامح إللي يعيبون
بنات الأدبي دايما تشوفونهم كاشتين من مدرساتهم وحصصهم ويتمشون في ساحة المدرسة
يمكن ما يحبون المُدَرِسة ..!!!!!!!.
وطبعا لا تصدقون تراني بدش ادبي
والله حركات إنتين بعد.......حبيبتي ترى الأدبي والعلمي ما يفرقون عن بعض من نا حية الحفظ والفهم (كلهم فيهم حفظ وفهم)
الأدبي موادهم أكثر والمواد العلمية إللي عندهم مخففة ,والعلمي موادهم أقل من موادنا و موادهم العلمية دسمة
وفي القسمين مشاريع وبحوث ...وهذا يتم قرارج (وتكَدرين تبدلين إذا ما بغيتين في أول أسبوعين )وإذا بغيتين أي معلومة ثانية عن العلمي والأدبي أنا جاهزة والله ...يوفقج إن شاء الله

[جريحة زماني]

اختي الحياة حلوة ها كله سوالف يعني مو صدق

ليش كبرتيها وعصبتي

والمهم

تسلمين ع المرور

[صدى الحرمان]

بنت العتيبي تسلمين ع الطرح الحلو ولا تحرمينا طلتج يالغلا

[عاشقة القمم]

يقولون إن بنات الأدبي هم مال سوالف الحب وهالخرابيط
بس بنات العلمي ما متفيجات لهالشي



وقبل ما حد يعلق ( ترى هالمعلومة نفس القبليات ) .... يعني ما تمشي ع الكل



فهمتي حبوبهـ