قصيدة ( العلمي والأدبي)

[حــ rak ــواء]

قصيدة عجيبة لبنات الثانوية

احتارو البنات وين يدخلون علمي ولا ادبي وكل وحده دخلت القسم اللي تبيه يا انها مع صديقاتها ولا تبي تفتك من الرياضيات والفيزيا واللي تبي تفتك من التاريخ والي تبي ......والي تبي.....

وفي هالوقت قامت وحده من البنات العلمي كتبت هالقصيده :

..... ... .... .... ...... ...... .... .... .... ....
حسبي الله على من تسلط على المسلمين

ضعنا ونبي رايكم يالسامعين

سهرنا الليل ورحنا نقول دارسين

وقلوبنا من الاسئلة حافظين

حفظنا الذهب والفضة وجانا الخارصين

والفراغات مليناها كلهاتخمين

ورحنا للسؤال الثاني على بالنا فاهمين

معادلات مع الاوزان عز الله ضايعين

ماعرفنا من الرموز الا الماء والاكسجين

والا السؤال الثالث يامن يعين

مسالة مانعرف لها راس من رجلين

اكتبي الصيغة الوزنية ماحناعارفين

والقوانين والله يستر علىالقوانين

تكسرت الالة من الطقطقة مابقى الا زرين

والمصيبة مشرفتنا تصرخ يانايمين

من زود الوناسة شايفتنا قاعدين

سلمنا الاوراق مافيها صح الا اثنين

الاسم ورقم الفصل وعلىالباقي مشطبين

ياناس انصفونا من الظالمين

والا ترانا اخر السنه من الراسبين

واخرتها سلامتكم يالربع والسالمين

واذا مااشتكينا لكم نشتكي لمين



شافوها بنات الادبي فتبرعت وحده منهم وردت :

من قال لكم تدخلون علمي يالمجانين

هذي هي سوات ايديكم يالفالحين

اسهروا ليلكم مع نهاركم ياالشاطرين

وحنا بنشخر مع النايمين

وحفظ الادب والمكتبة ومواد الدين

على طول بنجاوب دامنا حافظين

قلنا لكم نيوتن وفيثاغورس ميتين

وجعلكم ماتصيرون بانفسكم فالحين

واخرتها الله يسلمكم يالسامعين

وان شاء الله نشوفكم مع الراسبين



تنرفزوا بنات العلمي وقالوا :

دايم عند الاداره يامخبل متهاوشين

تحطون راسكم براس العلمي يالمساكين

ترى لكم الكرف والبيت وغسل المواعين

اتركو عنكم الحقد مركزنا منتوب واصلين حنا لنا العلم والمستقبل يالمساكين

واخرها الله لايسلمكم من البلاء يالمساكين

واخر السنه ان شاء الله نكون من الناجحين



وراحت وحدة بطالية جالسة فالبيت

لا شغل ولا مشغلة

لا دراسة ولا وظيفة محترمة

ردت عليهم وقالت:

لا علمي ولا أدبي أحسلنا جالسين فالبيت
نشرب بيبسي وناكل بسكويـــــــــــــــــــت

نلعب بالكيرم ونطالع التلفزيون
ندش النت ونتكلم فالتلفــــون

نقرأ المجلة والمكيف شغال
نطلع ندور وبدون نعـــــــــال

ننام النهار ونسهر بالليل
نروح البحر ونركب الخيـل


شو راااااااااااااااااااااااااااااااااااااايكم..

[soso]

ههههههههههه

روعة بصراحة يجنن .. بس انا خلاص إخترت وما بغير

إن شاء الله إن شاء الله علمي لأني ما أبي التاريخ والجغرافيا أخ من ها المادتين اموت ولا أروم أحفظ كلمة ..

وانا بعد ما بدش أدبي لأن كل حفظ انا يلا أحفظ قصيدة من خمس أسطر إتصدقون إني أحفظ قبل ما يبدأ المدارس او مرات أحفظ قبل ما ناخذ القصيدة او ما شابه بالحفظ بأيام ..

عجبني النهاية ..ههههه لا علمي ولا أدبي ..^_^


تسلمين الغالية ع القصيدة الروعة ..

[حــ rak ــواء]

اشكرج حبيبتي ع المرور..

[سلا الروح]

السلام عليكم ورحمة الله وبركاته

هههههههههههه مشكوره حبوبه ونتريا يديدج

[حــ rak ــواء]

اشكرج ع المرور..

[قد الحب]

احلى شي مال الادبي صدقو والله لا انصدع راسنا ولا شي

وانتي كنتي من بنات العلمي ولا الادبي

[حــ rak ــواء]

الأدبــــــــــــــي...

يسلموو ع المرور غلاتية ..

[نورالبدر]

فديت الأدبي~ محد يسوآنا والله ..
حتى مشآكلنا عسل على القلب خخ ..

تسلم لي أيآديج~

[حــ rak ــواء]

ثاااانكس ع المرور..

[ملكه الحب]

فديـت الادبي والله احلى شي راحـه انصحكم تدخلون الادبي .. لوول